01
Xogħol ta' kwalità
Professjonisti fil-qasam tas-servizzi professjonali, teknoloġisti u inġiniera u analisti tad-data u speċjalisti tal-AI — karrieri ġodda f'settur li qed jikber b'mod aċċellerat.
Settur Ekonomiku
Data, AI u New Space
L-elementi 'downstream', li jikkonsistu mill-konnettività bis-satellita, in-navigazzjoni u data mill-ispazju u awtomazzjoni bl-AI, huma l-akbar parti tas-suq tan-New Space. L-Unjoni Ewropea qiegħdha tipprepara l-qafas legali tagħha minħabba l-importanza tiegħu, u fl-istess ħin is-suq qed jistenna li l-budget tal-UE jikber ukoll bejn darbtejn u tlitt darbiet ta' dak kurrenti.
Malta, taħt amministrazzjonijiet Nazzjonalisti, dejjem kienet preparata għal setturi emerġenti, u għalhekk weldet industriji bħar-reġistrazzjoni tal-vapuri, bħas-servizzi lis-settur finanzjarju, l-iGaming u s-settur tal-avjazzjoni. Issa wasal żmien għal settur ieħor New Space!
Il-gżejjer Maltin mill-ispazju (elaborazzjoni ta'ritratti)
01 New Space
Daqs tas-Settur Downstream
New Space huwa settur li qiegħed jikber bid-doppju tal-medja tal-ekonomija globali. Aħna interessati partikolarment fid-downstream.
Xogħol ta' kwalita u mħallas tajjeb.
€
400B
Porzjon downstream tas-Settur
Li minnu €78b fl-Ewropa. Skond l-esperti ta' Novaspace, is-settur huwa mistenni li kważi jirdoppja fid-daqs fl-għaxar snin li ġejjin, u d-downstream huwa l'akbar kontribwent lejn dan it-tkabbir.
€
100M
Lejn l-ekonomija Maltija f'ħames snin
Fil-ħames snin li ġejjin, Malta għandha tinvesti bis-serjetà fis-settur, prinċiparjament billi ssaħħaħ ir-relazzjoni tagħha mal-ESA. L-estimi tagħna juru li dan is-settur jista' jġib €100 miljun fl-ekonomija fil-leġislatura li jmiss. Dan ibbażat fuq ritorn fuq investiment prinċiparjament fl-R&D u fl-attrazzjoni tas-suq lejn Malta. Hekk kif das-settur jikber, fi żmien 10 snin, għandu jkun beda jġib mal-€200 miljun fis-sena.
€
40B
Budget tal-UE (2028–2034)
Is-suq u l-esperti qed jirrakkomandaw tkabbir sostanzjali tal-budget Ewropew.
02 Il-Benefiċċji għal Pajjiżna
Malta innovattiva u ambizzjuża fin-New Space
L-investiment tagħna se jagħmel lil Malta hub strateġiku fl-ekonomija Ewropea tan-New Space. Mhux għaliex aħna għandna storja fis-settur, imma għax bil-maqlub aħna ma għandhiex xi kumpanija x'nipproteġu. Minflok għandna ħeġġa u esperjenza biex niftħu swieq ġodda li jkunu l-mutur wara mudell ekonomiku ġdid. Mudell li mhux ibbażat fuq il-volum u ħinijiet twal ta' xogħol, imma fuq qlieħ tajjeb għal min jaħdem u valur miżjud għoli għal pajjiżna.
Dan huwa settur li se jagħti nifs ġdid lill-ekosistema tas-servizzi professjonali. Dan huwa settur li se jivvaloriżża l-kompetenzi b’saħħithom tal-professjonisti Maltin fit-teknoloġija tad-data, fl-AI u fl-inġinerija, filwaqt li jiftaħ opportunitajiet ġodda fir-riċerka u l-iżvilupp (R&D). Malta għandha esperjenza kbira u magħrufa għal regolamentazzjoni b'governanza tajba, mingħajr burokrazija żejda.
02
Inkabbru l-ekonomija
Ritorn ta' €100 miljun fuq ħames snin fl-ekonomija Maltija, u li aħna rridu neskalaw biex jilħaq il- €200 miljun fis-sena fi żmien għaxar snin.
03
Noffru l-opportunità
Aħna rridu noffru l'oppurtunità lil kumpaniji innovattivi li jitħajjru jiġu lejn Malta biex fil-bidu jaqdu suq żgħir, imma li minnu jistgħu iwelldu l-prodotti tagħhom bl-intenzjoni li jikbru u jbiegħu fuq is-swieq internazzjonali.
03 Il-Pjan
Twettiq mill-ewwel jum
Ngħaddu l-liġi neċessarja fl-ewwel xhur tal-leġiżlatura, imbagħad nibnu l-kapaċità u l-kredibbiltà permezz ta' investiment u partnerships b'mira iffukata fuq is-suċċess.
L-ewwel 100 jum
Liġi
Ngħaddu l-qafas leġiżlattiv neċessarju fl-ewwel xhur tal-leġiżlatura.
L-ewwel Sena
Unità Ċentrali
Unità ta’ koordinazzjoni għall-politika tal-ispazju u għar-rappreżentanza ma’ l-Ewropa. Din se tkun ukoll l-unità li tikkoordina mal-entitajiet pubbliċi Maltin sabiex noffru qafas attrajenti lil min jixtieq jinvesti f’dan is-settur f’Malta. Se tikkoordina wkoll mas-settur tas-servizzi professjonali, tibni l-kapaċitajiet u l-edukazzjoni, u tkun responsabbli mill-konsolidazzjoni tax-xiri pubbliku f’dan il-qasam.
Sena 1–2
Qafas regolatorju
Il-qafas regolatorju tagħna se jkun kompetittiv, innovattiv u allinjat mal-politika u d-direzzjoni tal-Unjoni Ewropea.
Din il-leġiżlatura
Sħubija Assoċjata mal-ESA
Niksbu Sħubija Assoċjata mal-Aġenzija Spazjali Ewropea matul din il-leġiżlatura.
Settur Ekonomiku
Data, AI u New Space
Xogħol ta' kwalità. Ekonomija li tikber. Nifs ġdid għal pajjiżna.