Aktar minn ġimgħa wara li kien żvelat qtil f’Monte Karmeli, is-silenzju mill-Ministru jtarrax

Aktar minn ġimgħa wara li kien żvelat qtil f’Monte Karmeli, is-silenzju mill-Ministru jtarrax

Għaddiet aktar minn ġimgħa minn meta kien żvelat li priġunier ammetta li qatel priġunier ieħor fit-Taqsima tal-Forensika tal-Isptar Monte Karmeli, u għall-Ministru għall-Intern, is-Sigurtà u x-Xogħol qisu xejn mhu xejn.

Filwaqt li jridu jiġu rrispettati l-proċessi ġudizzjarji li għadhom għaddejjin, il-Partit Nazzjonalista jemmen li għandu jkun magħruf x’passi ttieħdu jew se jittieħdu biex nassiguraw li każi bħal dawn ma jerġgħux iseħħu.

Dan aktar u aktar meta l-ewwel ingħad pubblikament li din kienet mewta kaġun ta’ inċident li seħħ meta l-priġunier żelaq u ħabat rasu, imma mbagħad saret l-allegazzjoni serja ta’ qtil f’entità taħt ir-responsabbiltà tal-Gvern.

Anke fuq dan il-każ serju, is-silenzju mill-Ministru jtarrax.

Darren Carabott
Shadow Minister għall-Intern, is-Sigurtà u r-Riformi

31.10.2024