Bernard Grech impenja ruħu biex il-Maltin u l-Għawdxin jgħixu aħjar

SĦPN tirringrazzja lill-Kap tal-PN għall-impenn li wera fl-aħħar ħames snin favur kwalità tal-ħajja aħjar

Solidarjetà Ħaddiema Partit Nazzjonalista (SĦPN) tirringrazzja lil Bernard Grech għall-ħidma u d-dedikazzjoni tiegħu bħala Kap tal-Partit Nazzjonalista matul dawn l-aħħar ħames snin.

Kemm dam imexxi lill-PN, Bernard Grech wera impenn biex il-Maltin u l-Għawdxin jgawdu minn kwalità tal-ħajja aħjar kemm bħala ħaddiema, individwi u anke familji.

Il-kontribut tiegħu fil-ħajja politika ta’ pajjiżna huwa wieħed li jibqa’ mfaħħar, u nixtiqulu kull suċċess fil-passi li jmiss fil-ħajja personali u professjonali tiegħu.

Grazzi, Bernard Grech.

Mauro Miceli
President, SĦPN

18.06.2025