Borg, Alex

Dwar l-MP

Kap tal-Oppożizzjoni u tal-Partit Nazzjonalista

Dr Alex Borg twieled fl-10 ta’ Lulju 1995 fir-Rabat, Għawdex. Huwa avukat. Huwa ġie elett għall-ewwel darba fil-Parlament Malti fl-2022 bl-ikbar ammont ta' voti fost il-kandidati tal-Partit Nazzjonalista, wara l-Kap ta' dakinhar. Serva għal tliet snin bħala Shadow Minister għal Għawdex u fil-Kumitati Parlamentari ta' Għawdex u dak tal-Affarijiet Barranin.

Borg trabba fin-Nadur u studja fil-Bishop’s Conservatory, il-Gozo College u s-Sir M. A. Refalo Sixth Form. Fl-2019 iggradwa fil-Liġi u beda jaħdem bħala avukat. Fl-istess sena ġie elett fl-Eżekuttiv tal-Moviment Żgħażagħ Partit Nazzjonalista (MŻPN) u ftit żmien wara ġie elett fil-Kumitat Eżekuttiv tal-Partit Nazzjonalista.

Huwa jemmen fil-politika tal-kuntatt u li l-politiku jrid ikun viċin in-nies.

Politikament, jiddeskrivi ruħu bħala li jappoġġa ekonomija b’saħħitha u kompetittiva, iżda jemmen ukoll fl-importanza ta’ servizzi soċjali b’saħħithom bħall-kura tas-saħħa u edukazzjoni bla ħlas.

F'Ġunju 2025, wara li ħabbar ir-riżenja tiegħu minn Kap tal-Partit Nazzjonalista Dr e Grech, Borg kien esprima l-interess tiegħu f’din il-kariga u kkandida ruħu għall-elezzjoni ta' Kap tal-Partit Nazzjonalista.

Hu kien elett Kap tal-Partit Nazzjonalista fis-6 ta’ Settembru 2025 u ħa l-ġurament bħala Kap tal-Oppożizzjoni, erbat ijiem wara, fl-10 ta’ Settembru.