01. Tnaqqis fl‑income tax biex jibqagħlek aktar flus fil‑but
Nassiguraw u nagħtu garanzija li t‑tariffi tal‑kontijiet tad‑dawl u l‑ilma mhux se jogħlew billi, meta meħtieġa, Gvern ġdid Nazzjonalista jissussidja l‑prezzijiet tal‑enerġija u tal‑fuels. Fl‑istess ħin, nibdew programm sħiħ ta’ investiment fl‑enerġija rinovabbli biex il‑piż ta’ dawn is‑sussidji jonqos.
02. Tnaqqis fit‑taxxi għal kulħadd
Din ir‑riforma ta’ tnaqqis fl‑income tax tapplika għal kulħadd: is‑singoli, il‑koppji miżżewġin, il‑familji bit‑tfal u l‑pensjonanti, b’approċċ li jqis ir‑realtajiet differenti tan‑nies.
03. Tnaqqis akbar fit‑taxxi għall‑familji li qed irabbu tliet ulied jew iżjed
Għall‑koppji miżżewġin li bi tliet ulied jew iżjed, id‑dħul bejn €41,000 u €80,000 jitħallas b’rata ta’ 15%, waqt li jekk tkun ġenitur jew kustodju, id‑dħul bejn €35,000 u €80,000 jitħallas b’rata ta’ 15%. Dan jibgħat messaġġ li l‑pajjiż jirrikonoxxi s‑sagrifiċċji ta’ min irabbi familja u jġorr piż akbar. Din il‑miżura mhijiex biss ta’ forċina finanzjarja, iżda wkoll investiment fil‑futur ta’ Malta: biex inħeġġu u nappoġġaw lill‑familji ħalli jkollhom aktar tfal, mingħajr ma nħallu l‑għoli tal‑ħajja jaqtagħlhom qalbhom.
04. Aġġustament annwali fit‑tax bands skont il‑COLA
Nirrevedu awtomatikament it‑tax bands kull sena skont il‑COLA, biex il‑ħaddiema ma jibqgħux jitħallsu aktar taxxa sempliċement għax żdied il‑għoli tal‑ħajja. Din il‑miżura telimina l‑fiscal drag u tiżgura li ż‑żidiet fil‑pagi jibqgħu f’but in‑nies, mhux jittieklu mis‑sistema tat‑taxxa.
Il‑bidliet u t‑tnaqqis fl‑income tax huma kif gej:
Persuni waħedhom
| Bħalissa 2026 | Il‑Proposta tagħna |
|---|---|
| 0% sa €12,000 | 0% sa €15,000 |
| 15% sa €16,000 | 15% sa €20,000 |
| 25% sa €60,000 | 25% sa €80,000 |
| 35% minn €60,000 | 35% minn €80,000 |
Koppji miżżewġin bla tfal
| Bħalissa 2026 | Il‑Proposta tagħna |
|---|---|
| 0% sa €15,000 | 0% sa €19,000 |
| 15% sa €23,000 | 15% sa €26,000 |
| 25% sa €60,000 | 25% sa €80,000 |
| 35% minn €60,000 | 35% iżjed minn €80,000 |
Koppji miżżewġin b’wild wieħed jew waħda
| Faxxa | Bħalissa 2026 | Pjan Laburista fl‑2028 | Il‑Proposta tagħna |
|---|---|---|---|
| 0% | sa €17,500 | sa €22,500 | sa €25,000 |
| 15% | sa €26,500 | sa €33,500 | sa €37,000 |
| 25% | sa €60,000 | sa €60,000 | sa €80,000 |
| 35% | iżjed minn €60,000 | iżjed minn €60,000 | iżjed minn €80,000 |
Koppji Miżżewġin b’żewġ ulied
| Faxxa | Bħalissa 2026 | Pjan Laburista fl‑2028 | Il‑Proposta tagħna |
|---|---|---|---|
| 0% | sa €22,500 | sa €37,000 | sa €41,000 |
| 15% | sa €32,500 | sa €50,000 | sa €55,000 |
| 25% | sa €60,000 | sa €60,000 | sa €80,000 |
| 35% | iżjed minn €60,000 | iżjed minn €60,000 | iżjed minn €80,000 |
Familji bi tliet ulied jew iżjed, iħallsu rata fissa ta’ 15% fuq id‑dħul bejn €41,000 u €80,000. Jekk id‑dħul jaqbeż it‑€80,000, ir‑rata ta’ 35% tibda minn €80,000 ’il fuq. Din hi miżura importanti li twieżen lill‑familji biex ikunu jifilħu aktar tfal.
Ġenitur u Kustodju b’wild wieħed jew waħda
| Faxxa | Bħalissa 2026 | Pjan Laburista fl‑2028 | Il‑Proposta tagħna |
|---|---|---|---|
| 0% | sa €14,500 | sa €18,000 | sa €20,000 |
| 15% | sa €21,000 | sa €28,000 | sa €32,000 |
| 25% | sa €60,000 | sa €60,000 | sa €80,000 |
| 35% | iżjed minn €60,000 | iżjed minn €60,000 | iżjed minn €80,000 |
Ġenitur u kustodju b’żewġ ulied
| Faxxa | Bħalissa 2026 | Pjan Laburista fl‑2028 | Il‑Proposta tagħna |
|---|---|---|---|
| 0% | sa €18,500 | sa €30,000 | sa €35,000 |
| 15% | sa €22,500 | sa €42,000 | sa €48,000 |
| 25% | sa €60,000 | sa €60,000 | sa €80,000 |
| 35% | iżjed minn €60,000 | iżjed minn €60,000 | iżjed minn €80,000 |
Għall‑koppji miżżewġin bi tliet ulied jew iżjed, id‑dħul bejn €41,000 u €80,000 jitħallas b’rata ta’ 15% waqt li jekk tkun ġenitur jew kustodju, id‑dħul bejn €35,000 u €80,000 jitħallas bir-rata ta’ 15%. Din hi miżura importanti li twieżen lill‑familji biex jkollhom aktar tfal.
