KANDIDATI 2026

Noel Muscat

Muscat, Noel

Sindku tas-Swieqi għall-aħħar 14-il sena. Fundatur ta’ NM Group – kumpanija li tipprovdi servizzi ta’ audit, accounts u servizzi oħra relatati. Lagħab il-futbol kompetittiv sal-età ta’ 39 sena. Ġera n-Nofs Maratona għal 26 darba għall-karità. Ġabar donazzjonijiet li tqassmu lil Caritas Drug Rehabilitation, Eden Foundation u għaqdiet oħrajn.

Distrett/i: 9 u 10
7946 6393
David Pace Ross

Pace Ross, David

David Pace Ross, ta’ 51 sena, trabba fiż-żona tal-Knisja l-Qadima f’Birkirkara u llum jgħix f’Tas-Sliema flimkien ma’ martu u t-tifla tagħhom. Qed jikkontesta fuq it-Tmien Distrett, u l-impenn politiku tiegħu beda minn età żgħira permezz tal-involviment tiegħu fl-MŻPN, fejn kabbar il-valuri tas-servizz pubbliku u tal-Partit Nazzjonalista. David għandu warajh snin twal ta’ esperjenza fis-settur tas-servizzi finanzjarji, u bħalissa jaħdem bħala konsulent fil-qasam tas-soluzzjonijiet bankarji għall-industrija tal-iGaming. Hu jemmen f’Malta ġusta, trasparenti u kompetittiva, fejn kulħadd ikollu ċans jirnexxi bil-mertu, bid-determinazzjoni u bil-kapaċità tiegħu, mhux bil-favuri jew in-nepotiżmu. Huwa impenjat li jsaħħaħ il-governanza tajba, jipproteġi l-ambjent naturali u l-wirt kulturali tagħna, u jiżgura li Malta li nħallu lill-ġenerazzjonijiet futuri tkun aktar b’saħħitha, sostenibbli u mimlija opportunitajiet.

Distrett/i: 8
7943 2843
Alex Perici Calascione

Perici Calascione, Alex

Alex Perici Calascione ggradwa bħala avukat fl-1986 u għandu esperjenza twila l-aktar fil-qasam tal-liġi kummerċjali u dik ċivili. Bħala politiku fi ħdan il-Partit Nazzjonalista, huwa okkupa diversi karigi matul is-snin. Huwa membru tal-Kumitat Eżekuttiv sa mill-2013, serva bħala Teżorier tal-Partit bejn l-2013 u l-2017 u fl-2019 inħatar President tal-Kumitat Eżekuttiv. Fl-2022 ġie elett Viċi Kap tal-Partit Nazzjonalista. Fil-kamp tal-volontarjat huwa kellu involviment varju matul is-snin u serva għal aktar minn 10 snin fil-Bord tat-Tmexxija tar-Razzett tal-Ħbiberija. Huwa miżżewweġ lil MayAnne u għandhom tlett itfal – Maria, Veronica u John, u erba’ neputijiet – Elizabeth, Adam, Jean Luc u Ollie.

Distrett/i: 1 u 9
9970 9445
Michael Piccinino

Piccinino, Michael

Michael huwa avukat ta’ 31 sena. Minn meta kien żgħir, Michael kien involut sew fil-komunità u f’għaqdiet taż-żgħażagħ. Michael serva bħala President tal-Kunsill Nazzjonali taż-Żgħażagħ kif ukoll fuq il-Bord tal-European Youth Forum, il-forum li jirrappreżenta liż-żgħażagħ quddiem l-Unjoni Ewropea u l-Kunsill tal-Ewropa. Fl-2021, Michael ġie elett bħala l-iżgħar Segretarju Ġenerali tal-Partit Nazzjonalista minn wara t-Tieni Gwerra Dinjija. F’Marzu 2025, Michael irreżenja minn Segretarju Ġenerali biex ikun jista’ jikkonċentra fuq il-kandidatura tiegħu għall-elezzjoni ġenerali li jmiss.

Distrett/i: 4
7977 9797
Luke Said

Said, Luke

Luke huwa żagħżugħ ta' 22 sena. Difensur ta' Għawdex b'ruħu u ġismu li qalbu tħabbat mar-ritmu tar-riħ u l-mewġ tal-gżira, u l-impenn tiegħu għall-protezzjoni ta' Għawdex qatt ma batta. Mit-toroq dojoq tan-Nadur sat-truf tal-ġżira, dejjem mexa, u ħadem bi skop. Huwa student tal-Ġeofiżika, imħarreġ biex jaqra l-istejjer moħbija tad-dinja. Tgħallem li l-bidla vera titlob il-paċenzja, u l-preċiżjoni. Din il-mentalità xjentifika sawret l-ħsieb tiegħu fl-isfidi li jiffaċċja – janalizza fil-fond, jaġixxi b'kawtela u jfittex il-verità lil hinn mill-istorbju. F'dawn l-aħħar snin, bi ħġaru kien minn ta' quddiem biex jiddefendi l-ambjent tagħna, il-wirt tagħna, u niesna. Ħa pożizzjonijiet ċari kontra l-iżvilupp bla rażan f'Kemmuna, u l-qerda li daqt se ssofri Triq Marsalforn. Tkellem favur Pjazza San Ġorg, u kien il-moħħ wara wħud mill-ikbar kampanji ta' tindif li qatt saru f'Għawdex. Ħadem bla heda biex inħarsu u nirrestawraw il-Batterija tal-Qolla l-Bajda. B'kampanji sħaħ, qajjem kuxjenza dwar il-protezzjoni ta' siti ODZ u UCA.

Distrett/i: 13
7704 8248
Mark Anthony Sammut

Sammut, Mark Anthony

Għandu 40 sena, miżżewweġ u missier ta' żewġt itfal. Jaħdem bħala Inġinier fil-qasam tal-informatika ma' kumpanija privata. Ilu impenjat fil-Partit Nazzjonalista għal aktar minn 20 sena, fejn ħadem f'diversi fora: fil-Kumitat Sezzjonali, fil-Moviment Żgħażagħ Partit Nazzjonalista, fil-Kumitat Eżekuttiv, li tiegħu kien anke President, u ilu għal dawn l-aħħar ħames snin President tal-Kunsill Ġenerali. Serva bħala Kunsillier Lokali fil-Gudja għal 16-il sena, u bħala Deputat Parlamentari f'dawn l-erba' snin.

Distrett/i: 4 u 10
9917 9284
Justin Schembri

Schembri, Justin

Justin Schembri huwa Membru Parlamentari fuq it-Tmien Distrett elettorali, li ġie elett għall-ewwel darba fl-elezzjoni tal-2022 u ngħata l-inkarigu ta' Shadow Minister għall-Edukazzjoni. Serva wkoll bħala Minority Leader fil-Kunsill Lokali ta' Birkirkara. Għandu 44 sena, jinsab f'relazzjoni ma' Annalise Galea – kunsilliera lokali f'Ħal Balzan – u joqogħdu Birkirkara. Missier Lexi ta' 14-il sena. Għalliem, iggradwat fil-Malti, fil-Kommunikazzjoni u fil-Politika. Apparti l-politika u l-edukazzjoni, għandu għal qalbu l-lingwa, l-identità u l-kultura Maltija.

Distrett/i: 1 u 8
9988 5107
Leone Sciberras

Sciberras, Leone

Leone Sciberras huwa politiku rispettat minn kulħadd u magħruf għall-impenn tiegħu lejn is-servizz pubbliku. Partikolarment fis-settur tal-qasam soċjali, persuni b'diżabilità, anzjani u persuni vulnerabbli, fejn huwa jitkellem u jiżgura li leħinhom jitwassal u li l-bżonnijiet tagħhom jiġu mismugħa. B'impenn kostanti, Leone jaħdem biex jippromwovi inizjattivi li jpoġġu l-komunità fiċ-ċentru. Dawn l-aħħar snin qed iservi bħala kunsillier fil-Kunsill Lokali ta' Ħaż-Żabbar fejn b'dedikazzjoni u b’integrità jirrappreżenta lill-kostitwenti tiegħu; kif ukoll iservi fir-rwol ta' President tal-Forum Kunsilliera PN tat-tieni distrett. Huwa gradwat fl-Informatika u bħalissa qed isegwi l-aħħar sena fid-Degree fil-Management. Leone jemmen bis-sħiħ li jekk xi ħaġa hija d-dritt tiegħek, għandek tirċeviha bla ma tittallab. L-impenn bla waqfien ta’ Leone jissarraf f'soċjetà aktar inklużiva li fiċ-ċentru tagħha hemm in-nies.

Distrett/i: 2 u 3
2755 5861
PARTIT NAZZJONALISTA | NIFS ĠDID
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.