Elezzjoni tal-2025 għal Kap tal-Partit Nazzjonalista
Il-proċess għall-ħatra ta’ Kap tal-PN
- L-Eżekuttiv jiltaqa’ biex jagħti bidu għall-proċess tal-ħatra tal-Kap tal-PN wara r-riżenja tal-Kap preċedenti
- L-ewwel pass ikun li jiddeċiedi meta se jitlaqqa’ Kunsill Ġenerali biex jiftaħ uffiċjalment il-proċess
- Il-Kummissjoni Elettorali, Rekords u Data tal-PN (wara li tirċievi d-deċiżjoni tal-Kunsill Ġenerali biex jibda l-proċess), fi żmien tlett ijiem trid toħroġ sejħa għall-interess biex dawk interessati jkunu jistgħu jesprimu l-interess tagħhom (is-sejħa ddum miftuħa għal massimu ta’ ġimgħa). Il-persuni li jikkwalifikaw għal din il-kariga jridu jkunu membri tal-PN bit-tessera mħallsa
- Fi żmien jumejn mill-għeluq ta’ din is-sejħa, il-Kummissjoni Elettorali tibgħat l-ismijiet tal-membri li jkunu ddikjaraw l-interess tagħhom lill-Kummissjoni Kandidati tal-PN
- Il-kandidati li jkunu esprimew l-interess tagħhom imbagħad jgħaddu minn proċess ta’ due diligence mmexxi minn tim ta’ esperti indipendenti mqabbad mill-Kummissjoni Kandidati tal-PN
- Kif jipprovdi l-istatut tal-PN, il-proċess tad-due diligence jrid jitwettaq fi żmien ta’ mhux aktar minn sitt ġimgħat. Wara li jintemm dan il-proċess, tibgħat ir-rapport lill-Kunsill Amministrattiv u lill-Kummissjoni Elettorali b’dikjarazzjoni dwar jekk il-membri li ddikjaraw l-interess tagħhom jissodisfawx il-kriterji tal-verifika
- Fi żmien tlett ijiem, il-Kummissjoni Elettorali tiftaħ in-nomini uffiċjalment (in-nomini jdumu miftuħin ħamest ijiem). Jistgħu jitfgħu n-nomina biss dawk li jkunu esprimew l-interess tagħhom u għaddew mill-proċess tad-due diligence.
- Kull nomina trid tkun iffirmata mill-kandidat u tkun sekondata minn (mill-inqas): (i) tliet membri tal-Grupp Parlamentari; (ii) ħames membri tal-Kulleġġ Kunsillieri Lokali Partit Nazzjonalista; (iii) għaxar membri tal-Kumitat Eżekuttiv; (iv) ħamsin membru tal-Kunsill Ġenerali; (v) ħamsin membru tal-PN.
- Wara li jagħlqu n-nomini, issir l-elezzjoni għal Kap tal-PN kif ġej:
– jekk ikun hemm kandidat wieħed/waħda jmur għall-konferma tal-Kunsill Ġenerali
– jekk ikunu tnejn, fl-ewwel weekend wara 15-il ġurnata mill-għeluq tan-nominazzjonijiet (l-istess bħal fuq) titlaqqa’ Konvenzjoni Ġenerali fejn jivvutaw it-tesserati kollha li jikkwalifikaw skont l-istatut
– jekk il-kandidati jkunu aktar minn tnejn, l-ewwel irid jitlaqqa’ l-Kunsill Ġenerali (fl-ewwel weekend wara 15-il ġurnata mill-għeluq tan-nominazzjonijiet) biex in-numru jitniżżel għal tnejn b’votazzjoni bis-sistema tas-Single Transferible Vote, u mbagħad (fil-weekend li jiġi 15-il ġurnata wara l-votazzjoni fil-Kunsill Ġenerali) issir votazzjoni fost it-tesserati f’Konvenzjoni Ġenerali biex jiġi magħżul Kap tal-PN minn fost iż-żewġ kandidati li jkunu ġabu l-akbar ammont ta’ voti fil-Kunsill Ġenerali - Biex kandidat jiġi elett Kap tal-PN irid iġib:
– F’każ ta’ Konvenzjoni Ġenerali (aktar minn nomina waħda): mill-inqas 50% u wieħed tal-voti validi mitfugħa mit-tesserati li jkunu vvutaw f’Konvenzjoni Ġenerali
– F’każ ta’ Kunsill Ġenerali (nomina waħda): mill-inqas 50% u wieħed tal-voti validi mitfugħa mill-Kunsillieri li jkunu vvutaw f’Kunsill Ġenerali
Ikkuntattja lill-Kummissjoni Elettorali,
Rekords u Data tal-Partit Nazzjonalista
[email protected]
+356 99048076
Aħbarijiet
-
Alex Borg elett Kap ġdid tal-Partit Nazzjonalista
Alex Borg kien elett Kap ġdid tal-Partit Nazzjonalista wara l-elezzjoni li saret fost it-tesserati tal-PN.
-
Jivvutaw 86% fl-elezzjoni għal Kap ġdid tal-Partit Nazzjonalista
Il-Konvenzjoni Ġenerali tal-PN tagħlaq illejla bl-għadd tal-voti, it-tħabbir tar-riżultat u l-ewwel diskors tal-Kap il-ġdid
-
Jivvutaw 66% sas-1pm fl-elezzjoni għal Kap ġdid tal-Partit Nazzjonalista
Il-votazzjoni tibqa’ għaddejja sas-7pm u l-Konvenzjoni Ġenerali tal-PN tagħlaq illejla bil-ħatra ta’ Kap ġdid tal-PN
-
Jivvutaw 15% fl-ewwel jum ta’ votazzjoni bikrija fl-elezzjoni għal Kap ġdid tal-Partit Nazzjonalista
Il-votazzjoni tkompli s-Sibt li ġej 30 ta’ Awwissu waqt li l-aħħar sessjoni tal-Konvenzjoni Ġenerali titlaqqa’ s-Sibt ta’ wara, 6 ta’ Settembru Fl-ewwel ġurnata ta’ votazzjoni bikrija fl-elezzjoni għal Kap tal-Partit Nazzjonalista llum l-Erbgħa 27 ta’ Awwissu vvutaw 15% tat-tesserati eliġibbli biex jivvutaw f’din l-elezzjoni. It-total ta’ votanti eliġibbli jammonta għal madwar 20,600. F’dan l-ewwel jum…
-
Illum tibda l-votazzjoni bikrija fl-elezzjoni għal Kap tal-PN
Wara li għalaq il-perjodu tat-tiġdid tat-tesserament, it-tesserati eliġibbli biex jivvutaw f’din l-elezzjoni issa jistgħu jitfgħu l-vot tagħhom illum u nhar is-Sibt li ġej, jew fil-jum proprju tal-votazzjoni nhar is-Sibt 6 ta’ Settembru Illum tibda l-votazzjoni bikrija fl-elezzjoni għal Kap tal-Partit Nazzjonalista li kif jipprovdi l-Istatut tal-PN se jkunu qed jipparteċipaw f’Konvenzjoni Ġenerali tat-tesserati li tilħaq…
-
Il-Kummissjoni Elettorali tal-PN tirċievi n-nominazzjonijiet ta’ Alex Borg u Adrian Delia
Wara li jiġu verifikati ż-żewġ nominazzjonijiet, jintensifikaw it-tħejjijiet għall-elezzjoni ta’ Kap tal-Partit Nazzjonalista fis-6 ta’ Settembru Il-Kummissjoni Elettorali, Rekords u Data tal-Partit Nazzjonalista tgħarraf li llum, it-Tlieta 19 ta’ Awwissu 2025 irċeviet in-nominazzjonijiet għall-elezzjoni ta’ Kap tal-PN mingħand Alex Borg u Adrian Delia. Kif tħabbar dakinhar li l-Kummissjoni Elettorali rċeviet ir-Rapport ta’ Verifika li kkonferma…
-
Alex Borg u Adrian Delia jissodisfaw il-kriterji tal-verifika biex ikunu kandidati fl-elezzjoni għal Kap tal-PN
Il-Kummissjoni Elettorali tal-PN tirċievi r-Rapport ta’ Verifika mħejji mill-Kummissjoni Kandidati In-nominazzjonijiet jiftħu nhar il-Ħamis u l-elezzjoni se ssir is-Sibt 6 ta’ Settembru Aktar kmieni llum l-Kummissjoni Elettorali, Rekords u Data tal-Partit Nazzjonalista rċeviet ir-Rapport ta’ Verifika tal-Kummissjoni Kandidati tal-PN li jinkludi wkoll id-Dikjarazzjoni Motivata wara li saru l-verifiki meħtieġa dwar il-kandidati prospettivi għall-elezzjoni ta’ Kap…
-
Il-Kummissjoni Elettorali tal-PN tirċievi żewġ espressjonijiet ta’ interess għall-kariga ta’ Kap tal-Partit Nazzjonalista
Il-perjodu li matulu kienu qed jintlaqgħu d-dikjarazzjonijiet ta’ interess għalaq illum fis-2pm; issa l-Kummissjoni Kandidati tibda l-proċess ta’ verifika Hekk kif illum fis-2pm għalaq il-perjodu li matulu setgħu jippreżentaw id-dikjarazzjoni tal-interess tagħhom kandidati għall-kariga ta’ Kap tal-Partit Nazzjonalista; il-Kumissjoni Elettorali, Rekords u Data tal-PN tħabbar li rċeviet b’kollox żewġ espressjonijiet ta’ interess għal din il-kariga.…
-
Dan hu l-mument li nħarsu ’l quddiem – Bernard Grech
Il-Kap tal-PN jindirizza l-Kunsill Ġenerali li jagħti bidu għall-proċess tal-ħatra tas-suċċessur tiegħu, jgħid li mhux importanti min ikun il-captain imma li t-tim jasal fejn hemm bżonn Dan hu l-mument li nħarsu ’l quddiem. Il-passat jgħallimna, fil-preżent insewwu u fil-futur nirbħu flimkien. Mhux importanti min ikun il-captain tat-tim, imma li t-tim jasal fejn hemm bżonn. Fid-diskors…
Avviż lit-tesserati bi dritt li jivvutaw fl-elezzjoni tal-Kap
Avviż mill-Kummissjoni Elettorali tal-Partit Nazzjonalista dwar iċ-Ċertifikat tal-Vot li qed jintbagħat lil kull tesserat bil-jedd li jivvota fl-elezzjoni tal-Kap.
Regolamenti għall-kampanja elettorali tal-elezzjoni għal Kap tal-PN
Regolamenti tal-Kummissjoni Elettorali, Rekords u Data tal-PN għall-perjodu tal-kampanja elettorali uffiċjali fl-elezzjoni għal Kap tal-PN wara li jagħlaq il-perjodu tan-nominazzjonijiet tal-kandidati.
Ippubblikat ir-Rapport ta’ Verifika dwar il-kandidati għall-kariga ta’ Kap tal-PN
Rapport ta’ Verifika mħejji mill-Kummissjoni Kandidati tal-PN u ppreżentat lill-Kummissjoni Elettorali, Rekords u Data tal-Partit Nazzjonalista u lill-Kunsill Amministrattiv tal-PN, li jinkludi wkoll id-Dikjarazzjoni Motivata wara li saru l-verifiki meħtieġa dwar il-kandidati prospettivi għall-elezzjoni ta’ Kap ġdid tal-PN
Deċiżjoni dwar l-involviment ta’ ġurnalisti minn media ta’ partiti oħra
Deċiżjoni tal-Kummissjoni Elettorali, Rekords u Data tal-PN dwar l-involviment ta’ gurnalisti minn media ta’ partiti politiċi oħra fl-attivitajiet tal-kandidati prospettivi għall-kariga ta’ Kap tal-Partit Nazzjonalista.
Regolamenti għall-kandidati li qed jikkontestaw għall-kariga ta’ Kap tal-PN
Regolamenti tal-Kummissjoni Elettorali, Rekords u Data tal-PN għall-kandidati għall-elezzjoni għal Kap tal-PN li jirregolaw l-użu tal-media, l-ikkanvassjar u l-imġiba tal-kanvassers u s-sostenituri tal-kandidati, u l-attivitajiet fil-perjodu qabel tibda l-kampanja elettorali u waqt il-kampanja elettorali uffiċjali.
Komunikat tal-Kummissjoni Elettorali dwar is-sondaġġi
Komunikat mill-Kummissjoni Elettorali, Rekords u Data tal-PN dwar sondaġġi li jsiru dwar il-preferenzi tat-tesserati għall-ħatra ta’ Kap ġdid tal-PN.
Dikjarazzjoni ta’ interess minn kandidati prospettivi
Id-dikjarazzjoni mimlija kif suppost u ffirmata trid tasal għand ic-Chairperson tal-Kummissjoni Elettorali sa mhux aktar tard mill-Ħadd, 29 ta’ Ġunju 2025 fis-2pm.
Regolamenti għall-elezzjoni ta’ Kap tal-PN
Skont l-Artikolu 98 tal-Istatut, u wara parir mill-Kummissjoni Elettorali, Rekords u Data, il-Kunsill Ġenerali tal-Partit Nazzjonalista qed japprova r-regolamenti li kienu riferuti lilu mill-Kumitat Eżekuttiv tal-Partit Nazzjonalista.
Eligibilità tal-membri tal-PN għad-dritt tal-vot
Min huwa eliġibbli biex jivvota fl-elezzjoni għal Kap tal-PN u min ma jistax jivvota.
Emenda proviżorja għall-Istatut tal-PN (votazzjoni minn tesserati żgħażagħ)
Mozzjoni biex jibda l-process għall-għażla ta’ Kap ġdid u approvazzjoni tar-regolamenti
Mozzjoni ta’ ringrazzjament lil Bernard Grech
Diskors tal-Kap tal-Partit Nazzjonalista Bernard Grech waqt il-Kunsill Ġenerali
Diskors tal-Viċi Kap tal-Partit Nazzjonalista Alex Perici Calascione waqt il-Kunsill Ġenerali
Diskors tas-Segretarju Ġenerali tal-PN Charles Bonello waqt il-Kunsill Ġenerali
Diskors tal-President tal-Kunsill Ġenerali Mark Anthony Sammut waqt il-Kunsill Ġenerali
Diskors taċ-Chairperson tal-Kummissjoni Elettorali, Rekords u Data tal-PN Mario Callus waqt il-Kunsill Ġenerali